First time kitang nakatabing gising. Ang pangit pala ng pakiramdam.

    Buong highschool once lang kita nakatabi, tulog ka pa. Alalang alala ko pa yun. Gray ang rubber shoes mo nun. Yun lang ang natitigan ko sa sobrang conscious. Sobrang saya ko nun. Parang ang mga sandaling ganun nakukuha mo lang kapag napili ang sulat mo sa “Wish ko lang.” hehe..

    Kanina iba, kasi gising ka. Ngayon alam ko na ang ibig sabihin ng ackward. Ang pangit ng pakiramdam. Hindi masaya.

    Sana tulog ka na lang. Kitang kita ko pa naman yung reflection mo sa salamin ni manong driver. Di sana kung tulog ka, walang takot kitang natitigan at nasubukan tunawin.

    Sana naging kaibigan kita. Pakiramdam ko kasi magiging magkasundo tayo e. Pati tipid sa transpo, kasi kapitbahay lang kita. Pag gusto ko ng kasama magaral, hahatakin lang kita.

    Nakakamiss ka din pala. Nakakamiss yung mga panahon na ang pagibig ay parang fairy tale pa. Nakakamiss talaga. Ang pagkamasunget mo lang hindi ko namiss. Hindi bagay sayo.